Am 15. Dezember durfte Fredy Zimmermann seinen 70. Geburtstag feiern. Zu diesem Anlass hat er uns nach der Hauptprobe fürs Adventskonzert zu einem Umtrunk mit Imbiss im Kapf eingeladen. Vielen Dank!
Dort hat uns seine Registerkollegin Hedwig Kurth mit ihren dichterischen Künsten überrascht. Dieses Gedicht wollen wir Ihnen nicht vorenthalten.
Fredy wünschen wir alles Gute und immer die bestmögliche Gesundheit, um dem schönen Hobby Blasmusik noch viele Jahre treu zu bleiben.
Es Lob uf e Fredy
Zu dim 70ischte tüe mir härzlech gratuliere!
Git’s ir Musig es Problem, muesch nid studiere,
Fredy isch scho da u packt‘s grad a.
Du bisch für fasch alls der richtig Ma.
Steit me vor em Lokal u cha nid iche,
Chunnt Fredy mit em Schlüssel, u d’Tür mues wiche.
Sit über 50 Jahr bisch ir Musig derbi.
Scho mängisch bisch du "Chumm-mer-z’Hüuf" gsi.
Du luegsch, dass’s kes Gnusch i de Note git,
Gilt’s ds Schlagzüg ds zügle, so hilfsch du mit.
O als Presidänt hesch di es paar Jahr bewährt.
Es-Horn z‘ spile hesch wohl chuum begährt.
Aber bisch i d’Lücke gsprunge, wo’s nötig isch gsi.
Bisch – m tä tä – sit Jahre bim Nachschlag derbi.
Grossi Wort u luts Gschrei ghört me vo dir nid,
Stellsch di nie füre, aber weisch gäng Bscheid.
U höchscht sälte fählsch du mal e Prob.
Für all das gebührt dir es riesigs Lob!
Mir wünsche Dir alls Guete u Glück uf di Wäg,
Gärn zelle mir uf di. Blib gsung u zwäg.
E gsellige Kamerad bisch du üs o gäng.
U hüt verwöhnsch is, mir danke mit Härz u Häng.
(Applaus)
Hedwig Kurth, 15.12.2023